CEBU, Philippines — Gisubay sa kapolisan sa Probinsiya sa Sugbo nga posibleng adunay kalabotan isip kapitan sa Barangay Manguiao ang pagpusil patay kang kanhi Kapitan Mario Tundag ug sa asawa niini diha sa Barangay Poblacion, Lungsod sa Asturias niadtong Martes sa buntag.
Gikataho nga si Tundag samtang nag-nagmaneho sa motorsiklo niini angkas ang iyahang asawa gisundan sa mga kriminal nga riding-in-tandem ug gipusil sa likod ug ang mga biktima nangatumba kini diha sa karsada.
Matud ni Police Lieutenant Colonel Mark Gifter, Deputy Provincial Director for Operations sa Cebu Police Provincial Office (CPPO) nga aduna sila'y nakita nga lead nga makatabang aron masulbad ang maong kaso.
Nagkanayon si Sucalit nga pinaagi sa footage sa Close Circuit Television nga nakuha nila makatabang kini aron mailhan ang mga kriminal.
Giklaro ni Sucalit nga padayon ang manhunt operation sa kapolisan aron madakpan ang mga kriminal. — BDB (BANATNEWS)