Babaye nga polis sa Talisay gihatagan og pasidungog

MANILA, Philippines — Usa sa mga babaye nga polis sa Dakbayan sa Talisay nakadawat og pasidungog sa iyang serbisyo sa pagprotehir sa katungod sa kababayen-an.

Si Patrolwoman Ana Acibron midawat sa pasidungog didto sa Cebu Police Provincial Office (CPPO)

atol sa pagsaulog sa Women’s Month.

Siya nagkanayon nga bata pa lang siya gusto na gyud siya nga mahimong polis apan wa kini

mahimong sayon alang kaniya tungod sa ilang kalisdanan.

Sa iyang pagtungha sa kolehiyo naglisod ang iyang ginikanan sa pagpatungha kaniya hinungdan nga

siya naningkamot ug nakakuha sa scholarship nga gihatag sa lokal nga kagamhanan sa Negros.

Nisulod siya isip cashier sa usa ka tindahan apan ang iyang sweldo dili makasarang sa bayronon

sa review center hinungdan nga nagkinaugalingon nalang siya sa pag review.

Matud pa ni Acibron nga nasuklian ra sab ang iyang paningkamot sa dihang siya mipasar sa board

exam.

Si Police Lt. Col. Randy Caballes, hepe sa kapolisan sa Talisay mapasigarbuhon sa iyang sakop

ug suma pa niya nga naa ang kaikag sa pagserbisyo ni Acibron alang sa katawhan.

Dugang pa niya nga dili babag ang kalisdanan sa kinabuhi kun ang tawo molihok lang ug padayon

nga mangandoy sa pagkab-ot sa damgo.

Samtang subay sa International Women’s Day kagahapon, Miyerkules ang Sk Chairman sa Barangay

North Poblacion San Fernando Cebu nihimo ug kalihukan agi ug pasalamat sa kababayen-an.

Matud pa ni Sk Chairman Byra Canoy, ang maong programa halad pasalamat kini niya sa kababayen-

an nga mahatagan man lang ug usa ka adlaw nga pag-atiman sa ilang kaugalingon.

Lakip sa gidalit nga serbisyo sa kababayen-an mao ang libreng pagpatupi, manicure ug pedicure,

libreng eye lash extension ug uban pa. — Rowena D. Capistrano (BANAT NEWS)