CEBU, Philippines — Niabot ngadto sa P41.8 milyones nga pinansiyal nga hinabang ang gihatag sa Kapitolyo ngadto sa unom ka local government units sa ikaupat nga distrito sa Probinsiya sa Sugbo.
Ang maong financial assistance alang sa mga nagkadaiyang proyekto sa imprastraktura nga ipatuman sa mga mayor, bise mayor, konsehal, ug Association of Barangay Captain sa ilang tagsa-tagsa ka LGU.
Ang Dakbayan sa Bogo nakadawat og P6.8 milyones samtang ang Lungsod sa Tabuelan ug Tabogon
nakadawat og tag P8 milyones. Ang Lungsod sa Medellin nahatagan og P6 milyones; Daanbantayan
P5.4 milyones samtang ang San Remigio nagahinan og P7.6 milyones.
Ang maong financial assistance gihatag atol sa caravan of services sa Probinsiya sa Sugbo nga gipahigayon diha sa norte.
Si Gobernador Gwendolyn Garcia ang nitunol sa maong financial assistance ngadto sa mga mayor.
Gipangulohan usab ni Garcia ang inugurasyon sa P29.5 milyones nga bag-ong gikonkreto nga dalan
sa Dapdap-Tambongon sa Lungsod sa San Remigio niadtong Marso 7, 2023.
Ang maong dalan nga unang gi-identify isip Philippine Rural Development Project nga recipient nakompleto sulod sa 124 ka adlaw. (BANAT NEWS)