CEBU, Philippines — Midangop sa buhatan sa Ombudsman ang mga sakop sa Cordova Lapu-Lapu Metro Cebu Transport Cooperative aron pagpangayo og tabang nga matagad sa Cooperative Development Authority ang pagluwat na og certificate of recognition sa ilang bag-ong
Kahinumduman natigayon ang ilang election sa Paknaan Gym sa Siyudad sa Mandaue niadtong Disyembre 28, 2022 nga ubos sa pagpasiugda sa Cooperative Development Authority o CDA 7.
Si Helen Gerona, Chairperson sa maong kooperatiba miingon nga ilang gitinguha ang recognition sa mga bag-ong opisyal alang usab kini sa pagsuporta sa mga transaksiyon nga ilang himoon sa bangko ug ubang financial institution, LTFRB, ug mga buhatan sa transportasyon.
Dugang pa ni Gerona nga niadtong wala pa mapahigayon ang election sa grupo ilang nasinati ang panagbangi nga miresulta sa pagkabahin sa duha ka pundok sa mga opisyal nga pulos nangangkon nga mga lihitimong grupo. Sa tuyo nga masulbad ang mao nilang problema, ang CDA Central Office mitugot sa pagpahigayon og election apan nahimong suliran karon mao ang certificate of recognition nga wa pa mapagawas sa CDA. (BANATNEWS)