CEBU, Philippines — Gidayeg sa kagamhanan sa Dakbayan sa Talisay si Auxilliary Bishop Ruben Labajo sa iyang nakuhang kalampusan nga nakahatag og garbo sa Talisay.
Si mayor Gerald Anthony “Samsam” Gullas ug ang konseho nituyo sa pagbisita ni Labajo diha sa iyang buhatan sa Sto. Rosario Parish sa siyudad sa Sugbo.
Si Gullas niingon nga personal nilang gitunol kang Labajo ang plake nga giaprubahan sa konseho.
Si Labajo usa ka Talisaynon nga ang kaliwatan naa sa Barangay Poblacion.
Matud pa ni Gullas nga si Bishop Labajo usa ka bahandi sa siyudad nga angay ilhon.
Pormal nga nahimong Auxilliary Bishop si Labajo niadtong miaging tuig.
Gani sa iyang kalampusan nga nikupot sa dakong posisyon sa simbahang katoliko gihatagan kini og pagtagad sa mga opisyales sa siyudad. — MEL (BANATNEWS)