CAD nanghatag og tangke sa tubig sa mga mag-uuma

CEBU, Philippines — Giapod-aporan sa Cebu City Agriculture Department (CAD) og mga tangke sa tubig ang nagkalainlaing asosasyon sa mga mag-uuma dinhi sa dakbayan sa Sugbo.

Tumong niini aron adunay igong suplay sa tubig ug dugang pagtipig niini sa mga mag-uuma.

“Giapod-apod ngadto sa mga asosasyon sa mag-uuma sa syudad sa sugbo ang water tank sarang kapunduhan ug tubig para sa kaumahan. Kini gikan sa atong opisina sa Agricultura agi ug suporta kanila sa inadlawng gamit sa tubig sa ilang mga demo farm o kaha sa ilang tagsa-tagsa ka umahan," tipik sa statement sa CAD.

Sa pikas bahin, 20 ka asosasyon sa mga mag-uuma ang nakadawat usab og mga materyales sa pagtanum sa kamoteng kahoy. Gitapos usab sa CAD kagahapon ang Registry System alang sa Basic Sector in Agriculture registration.

Nipadangat usab ang CAD og tabang sa mga mag-uuma nga gustong makabaton og Artificial Insemination (AI) sa ilang mga kabaw ug baka.

Ang ubang mga mag-uuma nakapahimulos na niining libreng AI aron mas modaghan ang ilang kahayopan. —Caecent No-ot Magsumbol (BANATNEWS)

Show comments