Dul-an 300 nga hinabako ang nadakpan sa CESET

CEBU, Philippines — Dul-an na sa 300 ka mga inbidwal ang na-isyuhan og citation tickets sa CESET karong buwana tungod sa paglanigarilyo sa pampublikong lugar nga kabahin sa tinguha sa siyudad nga disiplina sa tanan aron makab-ot ang Singapore-like Cebu City.

Sa miaging tuig, 4,926 ang nadakpan dinhi sa dakbayan tungod sa pagpanigarilyo sa publikong mga lugar.

Suma pa sa pangulo sa Cebu City Environmental Sanitation Enforcement Team   (CESET)nga si Grace Luardo nga ang paglikay sa pagpanigarilyo alang ra usab sa kaayohan sa katawhan partikular sa ilang panglawas .

“Makalikay ta sa mga sakit nga sama sa cancer. Diili lang cancer sa bulsa hasta pa sa atong panglawas, suma pa ni Luardo sa interview niini sa Banat News.

Pipila sa mga lugar nga gidili ang pagpanigarilyo mao ang bus stations, mga opisina sa gobyerno, eskwelahan, tambalanan, klinika,  gasolinahan, ug uban pa.

Kalabot sa commercial nga mga establisamento , kinahanglan gyud sila magbutang og smoking areas apan kinahanglan nga layo kini sa mga tawo. Sa mga mosupak sa maong lagda, makamulta kini og P2,000.

Gawas sa pagpataka og pagpanigarilyo, ilaha usab nga gihingusgan ang pagdakop sa mga tawo nga magpataka lang og labay sa ilang mga basura ingon man magpataka og pangihi ug luwa. —/IBM (BANAT NEWS)