CEBU, Philippines — Gipaabot ang liboan ka mga deboto sa Balaang Bata ang motambong sa Hubo Mass nga ipahigayon sa alas-4 buntag karong adlawa nga Biyernes. Ang hubo mass mao ang pag-ilis na og sapot sa imahen gikan sa iyang bestida nga suoton para sa fiesta ngadto na sa ordinaryo nga sapot.
Atol sa hubo mass, adunay ritual nga pagahimoon diin ligoon ang imahen una kini siya ilisan sa iyang bag-o nga senina. Ang misa ipahigayon sa alas-4 sa buntag ug sundan kini sa laing misa sa alas-6 sa buntag ug ang katapusan nga misa alas -7sa gabii.
Ang Hubo mass maoy opisyal nga nagtapos sa mga kalihukan sa ika- 458th Fiesta Señor nga adunay tema nga Sto. Niño: Our Source of Peace in the Walk of Faith.
Ang maong Hubo Mass anha gihapon ipahigayon sa Pilgrim Center sa Basilica Minore del Sto. Niño. (BANATNEWS)