38 ka LGU nisuspenso sa klase tungod sa dautang panahon
CEBU, Philippines — Dili momenus 38 ka mga local government units sa Probinsya sa Sugbo ang misuspenso na sab og klase kagahapong adlawa tungod sa dili maayong lakat sa panahon nga nasinate sa Sugbo dala sa Low Pressure Area (LPA).
Sa datus sa Provincial Disaster Risk Reduction and Management Office (PDRRMO) kagahapong adlawa apil sa mga nisuspenso og klase ang Barili, Sta. Fe, Santander, Boljoon, Bantayan, Madridejos, Ronda, Oslob, Tudela, Liloan, Alegria, Moalboal, Catmon, Malabuyoc, Minglanilla, Carmen, Dumanjug, Badian, Tabogon, Cordova, Pinamungajan, Ginatilan, Aloguinsan, Compostela, Pilar, Balamban, Daanbantayan, Medellin, Tabuelan, Consolacion, ug Alcantara;
Nag suspenso pud og klase ang syudad sa Carcar, Talisay, Danao ug ang highly urbanized cities sa Manduae ug Lapu-lapu.
Sa pag sulat ning balita ang PDRRMO wala pa makadawat og tahu nga adunay gipabakwit nga mga residente.
Sa alas 5 sa hapon nga weather bulletin sa Philippine Atmospheric Geophysical and Astronomical Services (PAG-ASA) nasuta nga dunay hinay ngadto sa kasagaran ug talagsang kusog nga pag ulan ang masinati sa Southern Cebu, northern portion sa Negros Oriental ug Southern Leyte nga nilungtad og duha ngadto sa tulo ka oras. (BANATNEWS)
- Latest
