CEBU, Philippines — Nagbangutan karon ang mga Oponganon tungod sa kamatayon ni Konsehal Nelson Yap niadtong Enero 1, 2023 sa panuigon nga 68 anyos. Si Mayor Junard “Ahong” Chan sa iyang post sa Facebook miingon nga gibati niya ang kahingangha dihang nadawat ang maong kasayuran.
Hinuon ang pamilya sa maong konsehal sumala sa post ni Mayor Chan wala pa makahatag og pamahayag labot niini.
“Naghilak gayud ang akong kasingkasing kay sayod ang mga Oponganon nga si Kons. Nelson usa sa mga maayung public servants nga naangkon sa atong siyudad nga walay kukahadlok nga mobarog sa iyang lig-on nga mga desisyon ug panglantaw,” nagkanayon ang post ni Mayor Chan.
Sa nasayran si Konsehal Yap nagserbisyo na sa mga Oponganon isip konsehal sa siyudad sulod na sa 25 ka tuig. (BANATNEWS)