Mga benepisaryo sa TUPAD sa South District masweldohan na
CEBU, Philippines — Dili mominos sa 5 mil ka mga beneficiaries sa Tulong Panghanapbuhay sa ating Disadvantage/ Displaced Workers kon TUPAD program sa South District ang makadawat sa ilang sweldo karong tapos sa semanaha.
Gipahibalo ni South District Congressman Rep. Eduardo “Edu” Rama nga gusto niyang makahatagan na sa ilang sweldo ang mga benepisaryo sa dili pa mag Pasko aron duna silay magamit.
Ang mga beneficiaries gikan sa 31 ka mga barangay nga na hired ubos sa 1st batch sa Tupad nga adunay mobilization assistance gikan sa district office ni Rama.
Ang TUPAD usa ka social amelioration program sa Department of Labor and Employment nga naghatag og napulo ka adlaw nga trabaho ngadto sa mga beneficiaries ug makadawat ug minimum nga suholan, diin matag usa makadawat og P435 matag adlaw.
Wala pa hinuon gipahibalo ni Rama, ang mga lugar kung asa ipahigayon ang mga pay-out.
Ang mga trabahante nga makuha kay motrabaho kini sila sa mga social community projects sama sa pag-ayo, pagpanilhig, maintenance o pagpalambo sa common public facilities ug uban pa. (BANATNEWS)
- Latest
