CEBU, Philippines — Gikatakdang ilusad karong adlawa diha sa nagkadaiyang dapit sa nasud ang programa sa Department of Interior and Local Government (DILG) nga Buhay Ingatan, Droga’y Ayawan (BIDA).
Usa sa mga lugar alang sa paglusad sa BIDA mao ang Plaza Independencia diin gilaoman ang pagdagsa sa mga tawo.
Mohatag usab og mensahe pinaagi sa live stream ang kalihim sa DILG nga si
Atty. Benjamin Abalos, Jr. nga pagasundan ni Presidente Ferdinand “Bongbong” Marcos, Jr..
Malakip sa maong kalihokan mao fun run, zumba ug uban pa nga salmotan sa pipila ka stakeholders sa Kabisay-an.
Sa niaging buwan gihisgotan ni Abalos ang BIDA kauban si PNP Chief Rodolfo Azurin, Jr. ug DILG Undersecretary Margarita Gutierrez.
Tumong sa maong programa mao ang lapad nga kampaniya batok sa ginadiling drugas.
Ug gilaoman usab nga mopasundayag sa maong kalihokan ang Tribu Lumad Basakanon.
Tipik sa kalihokan karong adlawa mao ang pagpalanog sa “Statement of Support” gikan sa multi-sector representatives. (BDB) (BANAT NEWS)