60 ka sakop sa MITCOM gibansay bansay sa arnis
CEBU, Philippines — Miabot sa 60 ka sakop sa Minglanilla Traffic Commission (MITCOM) ug task force ang gibansay sa arnis diha sa Ward 1 covered court sa lungsod sa Minglanilla.
Kini aron sila andam sa panghitabo ug adunay ikasarang sa pagpanalipod sa ilang kaugalingon.
Si Minglanilla mayor Rajiv Enad nikuha sa serbisyo ni Master Willy Bacalso aron ang mga enforcer makamao sa pangamot.
Ang trabaho sa enforcer ug task force dili kalikayan nga mainitan ilabi na sa mga tawo nga ilang madakpan.
Matud pa ni Christopher Godinez, sakop sa MITCOM nga dako na kini og tabang kanila kay wala man sila masayod sa mga panghitabo nga ilang masugatan sa ilang pagpanarbaho.
Mapasalamaton siya ngadto sa mayor gumikan sa maong kahigayonan nga sila nakat-on sa pagpanalipod sa ilang kaugalingon.
Lakip sa gipaubos sa pagbansay bansay mao ang mga barangay tanod sa lungsod sa Minglanilla nga mao kanunay ang motubag sa mga alarma. (BANATNEWS)
- Latest
