CEBU, Philippines — Gihatagan og unang pagtagad sa siyudad sa Talisay ang mental health sa kabataan nga maoy gisiguro sa usa ka buwan nga programa sa kasaulogan sa National Children’s Month.
Si Felipa Solana, pangu sa City Social Welfare and Development (CSWD) nibutyag nga dili lang mga hamtong ang nakasinati sa krisis sa pandemya, bagyong Odette ug uban pa kundili lakip nasab ang kabataan.
Busa ilang gipahaom ang mga programa labot sa mental health sa kabataan kung unsaon pag rekuber sa matag usa.
Ang kasaulogan sa children’s month ubos sa lagda sa balaod diin nagprotehir sa katungod sa kabataan.
Ang balaod naghatag sa mga bata og right to survival, right to protection, right to development and right to participation,” matud pa ni Solana.
Si konsehal Ofelia Ylanan, chairman sa committee of Women and Children nipaambit nga ang pagtudlo sa kabataan sa pag ampo dakong tabang nga mamahimong maayong indibidwal. (BANATNEWS)