CEBU, Philippines — Naglaraw si bise mayor Richard Francis “Choy” Aznar sa Dakbayan sa Talisay nga ipadangat sa matag eskwelahan ang mental health awareness.
Kini aron pagpugong sa kabataan ug malikayan ang pagkutlo sa kinabuhi kung aduna silay masinate nga kalisdanan ug di maayo sa ilang kinabuhi.
Si Aznar nibisita sa Cansojong National High School ug nihatag sa iyang panahom sa kinabuhi ngadto sa mga tinun-an.
Matud pa niya nga nagpalabang og usa ka ordinansa ang konseho nga nagtumong sa pagtubag sa panginahanglan sa pangisip sa Talisaynon.
Ang Community-Based Mental Health Program niadtong tuig 2019 maoy usa ka polisiya sa siyudad aron ipasiugda ang katungod sa katawhan sa mental health ug pagdasig sa mental health consciousness.
Si Aznar nga maoy chairman sa committee on health niingon nga tumong niya ang pagpalig-on sa programa ug siya naglaraw nga iya kining ipaabot ngadto sa tanan nga tunghaan sa Talisay.
Dugang pa niya nga dili lang sa buwan sa Oktubre kini himuon kundili sa matag adlaw nga tanan aron adunay giya ang kabataan. (BANAT NEWS)