CEBU, Philippines — Gitanggong sa detention cell sa Cordova Police Station ang unom ka mananagat nga mga molupyo sa Isla sa Olango, Siyudad sa Lapu-Lapu gumikan sa giingong pagkalambigit nila sa ilegal nga pagpanagat.
Si Police Major Michael Gingoyon, hepe sa Cordova Police Station nagkanayon nga ang maong mga mananagat naaktohan sa mga nagpatrolya nga Cordova Marine Watch nga nigamit og compressor sa ilang pagpanagat diha sa kadagatan sa Isla sa Nalusoan ug Hilutungan, Lungsod sa Cordova.
Ang nahisgutang mga mananagat nakalapas kini sa Fisheries Code of the Philippines ug gisakmit usab ang ilang mga gigamit nga kahimanan sa ilegal nga pagpanagat. — /BDB (BANAT NEWS)