CEBU, Philippines — Andam Andam na ang Land Transportation Office-7 molusad sa ilang “Oplan Biyaheng Ayos”
alang sa All Souls Day 2022 subay sa pagtimaan sa adlaw sa mga kalag ug Santos karon tuiga. Si LTO-7 Director Victor Emmanuel Caindec nagkanayon naniguro sila nga ang public
utility vehicle drivers roadworthy sa ilang pagbiyahe paingon sa nagkadaiyang probinsiya sa Central Visayas.
Matud ni Caindec nga kanunay ang ilang suporta sa ilang partner agency nga mao ang
Land Transportation Franchising and Regulatory Board sa ilang pag-implementar sa Oplan
Biyahe Ayos ilabi na sa susama nga selebrasyon diin modagsa ang mga pasahero diha sa mga
bus terminal ilabi na karon nga gideklarar ni Presidente Ferdinand “Bongbong” Marcos, Jr.
nga ang Oktubre 31 usa ka special non-working holiday.
Gibutyag ni Caindec nga gawas sa Malasakit Help Desk nga gipahimutang sa mga
nagkadaiyang bus terminal, ang LTO-7 mohimo usab ug terminal inspections, roadside
operations, checkpoint ug pagpatrolya diha sa main highways ug strategic locations aron sa
pagsiguro nga ang mga motorista ug general public magpabilin nga nisunod sa traffic laws.
Ang LTO-7 nakig-alayon usab kini sa transport groups aron sa pagsiguro nga ang mga
PUV nituman sa balaod ug naghimo usab ug checklist sa mga rekisitos nga gihatag saahensiya.
Sa laing bahin, ang Cebu City Police Office nangandam kini alang sa tulo ka dagkong kalihokan sa buwan sa Nobiyembre niining tuiga nga gilangkuban sa Kalag-Kalag, bar examinations ug face to face classes.
Ang bar examinations ipahigayon diha sa University of Cebu ug University og San Carlos karong Nobiyembre 9,13,16 ug 22.
Ang face to face classes ipahigayon karong Nobiyembre 3. — (BANAT NEWS)