Barangay officials angay  manginlabot sa ‘gubat sa baha’

CEBU, Philippines — Nanawagan si kanhi Environment Secretary Roy Cimatu sa mga barangay officials nga mas  mahimong aktibo ug manginlabot sa Gubat sa Baha Program sa Kagamhanan sa siyudad sa Sugbo.  Si Cimatu moanhi sa Sugbo sa adlaw’ng Martes sunod semana aron makigkita sa mga miyembro sa

Task Force Gubat sa Baha ingon man sa mga opisyales sa barangay kun asa nahisakop ang mga  dagkong sapa. Nagkanayon si Cimatu nga ang responsibilidad aron mamentinar ug pabiling limpyo ang  kasapaan naa sa mga barangay officials.  “Let us impress on the barangays that this is their job. Trabaho ng barangay ito eh. This  is part of their mandate. Sinusuportahan lang natin sa task force”, segun ni Cimatu atol sa  ilahang video conference.

Ang maong aksyon ni Cimatu kinsa maoy Task Force Chairman maoy agig reaksyon sa tahu gikan

sa mga river commanders nga giingong dunay mga barangay nga matod pa dili cooperative sa  mga kalihukan sa task force.

Gusto sab niini nga paspasan ang kalihukan sa task force human siya ug si Mayor Michael

Rama nga tua sa Manila nagkita sa miaging gabii uban sa Department of Public Works and  Highways (DPWH) officials.

Sa milabay nga mga semana, ang gitudlo nga river commanders sa walo ka major rivers sa  siyudad mibisita sa tagsa-tagsa nila ka areas ug nagpahigayon og profiling sa mga informal  settlers ug structures nga nakalapas sa three-meter easement sa siyudad.

Human sa profiling, gusto ni Cimatu nga ang task force motutok sa pagpalambo sa relocation  masterplan alang sa maong mga pamilya kinsa tangtangon sa easement zones.

Gawas sa mga residente, gusto sab ni Cimatu og listahan sa tanang business ug commercial  establishments nga nakalapas sa easement laws.

Gitahasan niini ang City Legal Office sa paghimo og documentation mahitungod niini ug i- follow up ang mga nahatagan na og notices of violation.

Human sa profiling, gipaabot nga mopahigayon sila og public hearings ug consultations sa  mga apektadong residente ug ipasabot kanila ang sitwasyon ug hangyuon nga boluntaryong

moguba sa ilang istraktura.  Tinguha sa mga commanders nga sugdan kini sa tunga-tunga nga bahin sa buwan sa Nobiyembre. (BANAT NEWS)