Demolisyon sa Brgy Apas himoon sa Nobiyembre 3

CEBU, Philippines — Gipahibawo sa Cebu City Police Office nga karong Nobiyembre 3 himoon ang demolisyon sa  kabalayan sa dili momenus 200 ka pamilya sa Sitio San Miguel, Barangay Apas, siyudad sa

Sugbo. Niadtong Oktubre 13 unta ipatuman ang demolisyon apan wala kini mahinayon human nipatunga

si Cebu City Mayor Michael Rama ug ubang opisyales sa siyudad ug nihangyo nga hatagan una  og higayon ang mga maapektuhan nga makakita og kabalhinan.

Gihatagan og duha ka semana ang mga apektadong pamilya nga makabalhin ug unang nasabutan sa

Oktubre 27 unta ipatuman ang demolisyon. Si CCPO Director Police Col. Ireneo Dalogdog  mitug-an nga unang mihangyo si Mayor Rama nga sa October 31 na himoon ang demolisyon tungod  kay birthday sa mayor sa petsa 28. Apan nahukman nga himoon na lang kini liwas sa kalag- kalag. (BANAT NEWS)