Mga biktima sa pagbaha sa Mandaue nakadawat na og ayuda
CEBU, Philippines — Nakadawat na sa ilang pinansyal nga ayuda ang mga pamilya nga nabiktima sa pagbaha niadtong Septiyembre 9, 2022 diha sa dakbayan sa Mandaue.
Gihimo ang pag-apod-apod sa hinabang diha sa Mandaue City Cultural and Sports Complex sa sitio Tribunal sa barangay Centro diin mokabat sa 1,000 ka beneficiaries ang nakadawat og tag P9,000.00.
Naglakip niini ang mga pamilya gikan sa barangay Umapad, Cubacub, Casili ug Casuntingan.
Sa kinatibuk-ang P9,000 nga ayuda, P3,000 niini gikan sa kagamhanan sa siyudad sa Mandaue, laing P3,000 sa buhatan ni Senador Bong Go ug dugang P3,000 gikan sa Department of Social Welfare and Development DSWD.
Samtang nakadawat usab og P20, 000 isip disturbance fee ang 20 ka pamilya nga nagpabilin pa karon nga nagpuyo sa Casuntingan gymnasium human ibanlas ang ilang mga panimalay sa nahitabong pagbaha. (BANAT NEWS)
- Latest
