Mabatid nalutsa’g warrant mipiyansa

CEBU, Philippines — Nakabutang og piyansa si kanhi Cebu City councilor Prisca Niña Mabatid sa two counts nga kasong cyber libel nga gipasaka kaniya sa aktor nga si Richard Yap.

Si Executive Judge Gerardo Paguio Jr. sa Regional Trial Court of Negros Oriental mimando sa pag- release kang Mabatid human kini nakabutang og P10 mil nga piyansa niadtong Oktubre 5,2022 sa korte didto sa Dumaguete City.

Matud pa nga si Mabatid mitahan ng daan sa mga otoridad human nigawas ang maong warrant of arrest nga giisyu sa korte batok kaniya.

Niadtong Septiyembre 30, 2022, si Taguig City RTC Branch 271 Assisting Judge Jaime Santiago miluwat sa moang warrant of arrest batok ni Mabatid.

Dunay mga kopya sa maong warrant of arrest nga gipadala sa e National Bureau of Investigation, Bureau of Immigration and Deportation, Southern Police District ug Southern District Anti-Cybercrime Team sa Taguig City.

Ang maong kaso may kalabotan kini sa gipasakang reklamo ni Yap niadtong Nobiyembre 15, 2021 batok ni Mabatid didto sa Taguig City Prosecutor’s Office.

Gipasanginlan ni Yap si Mabatid nga malisyosong nag-post sa social media niadtong Septiyembre 3, 2021 nga nag-ingon nanghatag kini og mga bugas gamit ang pundo sa gobiyerno.

Kahinumdoman nga silang Mabatid ug Yap nagbangga sa pagka-kandidato pagka- kongresista sa North District sa Cebu City sa nakalabay nga piniliay ning tuiga, apan ang duha naparot ni Representative Rachel Marguerite “Cutie” del Mar.

Sa nakalabay nga 2019 elections, silang Mabatid ug Yap magkaalyado ubos sa Barug-PDP-Laban.  Si Mabatid nakadaog pagka-konsehal sa siyudad samtang si Yap napildi sa amahan ni Del Mar nga si kanhi kongresista Raul Del Mar nga nitaliwan na niadtong 2020.

Apan sa nakalabay nga piniliay, nagbuwag og dalan silang Yap ug Mabatid, si Mabatid nagpabilin ubos sa Barug-PDP-Laban samtang si Yap ubos sa National Unity Party. – The Freeman/IBM