Akyat-bahay ‘nag-shopping’
CEBU, Philippines — Daw nag-shoping ang usa ka kawatan nga milungkab sa usa sa mga panimay sa Barangay Lawaan 1, Dakbayan sa Talisay kinsa nakuhaan og CCTV footage sa iyang pagsaka sa maong panimalay.
Ang tagbalay nga mihangyo nga di lang magpaila alang sa ilang seguridad midangop sa kapolisan ug miasoy nga nangatulog na sila sa dihang nahitabo ang pagpangawat.
Sa kuha sa CCTV footage, nakita ang suspek nga nagbisekleta nga nilahos sa pagkatkat sa gate ug lahos sa ikatulong andana sa balay dayon gipangkuha ang nagkalain-laing mga gamit.
Niagi siya sa fire exit nga hagdan ug didto giguba ang bintana sa masters bedroom. Ang suspek nagilis ug nanguha na sa mga sapatos, senina, DSL nga camera, cellphone, laptop ug salapi nga P200 mil.
Ang mga gikawat sa suspek giusa sa pagsud sa blue nga bag lakip na ang helmet sa biskelita. Nigawas ang suspek sa panimay nga bag-o na og gisuot nga sinina nga nagbitbit na sa mga butang.
Nabantayan sa mga biktima ang pagpangawat mga alas- 9 na sa buntag dihang nakit-an nila nga guba na ang ilang bintana.
Si Patrolman Raffy Rempojo nagkanayon nga naa na silay person of interest nga gisundan. Ila sab nga nahibaw-an nga notadong kawatan sa Metro Cebu ang nakita sa video footage. Padayon ang ilang pagsubay sa lugar kung hain nagtago-tago ang suspetsado. — /IBM (BANAT NEWS)
- Latest
