CEBU, Philippines — Niabot ngadto sa 173 ka corn farmers sa amihanang bahin sa Sugbo ang gihatagan og fuel subsidy.
Sa maong gidaghanon, 73 niini ang gikan sa Lungsod sa Daanbantayan samtang ang uban gikan sa Lungsod sa San Remigio ug Dakbayan sa Bogo.
Ang Department of Agriculture maoy niapod-apod alang sa mga mag-uuma nga apil sa mga apektado sa padayon nga pagsaka sa presyo sa gasolina
Base sa post diha sa social media sa Local Government Unit sa Daanbantayan nga ang 73 ka mag-uuma ngas gikan sa Daanbantayan ang nakadawat og P3,000 nga fuel discount card matag usa kanila diin pwede nila kining ipalit og gasolina og diesel gikan sa accredited nga fuel stations.
Ang mga beneficiary narehistro kini sa Registry System for Basic Sectors in Agriculture, nalakip sa Farmers and Fisher folk Registry System ug nanag-iya og machinery nga adunay proof sa ownership.
Nakadawat usab ang maong mga mag-uuma og hygiene kits gikan ni Mayor Sun Shimura.
"The Fuel Subsidy Program aims to minimize the impact of constant oil price increases in the agricultural sector, thus lessen the farmers’ expenses in corn production from land preparation to postharvest and processing activities", tipik sa post sa LGU sa lungsod.
Ang pag-apod-apod gipahigayon niadtong Agosto 15, 2022. —BDB (BANATNEWS)