CEBU, Philippines — Gipatuman ang hugot nga siguridad diha sa St. Teresa de Avila Chapel sa Barangay Valladolid, Dakbayan sa Carcar atol sa pagpahigayon sa solemn thanks giving mass ug Promulgation sa Decree of Heroic Virtues ni Venerable Teofilo Camomot kagahapon sa hapon.
Ang mga adunay ID lang ang gitugotan nga makasulod sa chapel samtang kadtong adunay mga wristband didto sa ubos nga habin sa kapilya.
Ang Santos nga Misa gipangulohan ni Archbishop Charles John Brown, D.D apostolic nuncio to the Philippines uban sa 22 ka obispo gikan sa lain-laing lugar lakip usab ang mga monsignor ug kaparian.
Atol sa maong misa gipahigayon ang pagbasa sa decree sa Promulgation sa Decree of Heroic Virtues ni Venerable Teofilo Camomot nga gipahigayon ni Archbishop Jose Palma ug gisunod ang unveiling sa portrait ni Camomot nga gipangulohan ni Nena Gullas ug anak niini.
Si Most Reverend Jose Cabantan, D.D, arsobispo sa Cagayan nipaambit sa iyang personal nga kasinatian kang Camomot.
Matud ni Cabantan nga ang tulo ka butang batok kang Camomot mao ang good master, formator and founder lakip usab ang maayong gawi niini bisan ug pila ka higayon kini nga ilaron sa mga buot magpatabang niini apan padayon gihapon kini sa pagtabang.
Mapasalamaton sila kang Camomot sa tanang mga maayo nga gihimo niini alang sa katawhan. Mapasalamaton usab si Cabantan sa Ginoo sa paghimo kang Camomot nga Venerable nga usa ka gasa sa simbahan ug katawhan. — BDB (BANATNEWS)