CEBU, Philippines — Gikatahong 20 ka obispo gikan sa lain-lain nga lugar ang gilaomang moapil sa solemn thanksgiving mass ug promulgation sa decree of heroic virtues of venerable Teofilo Camomot karong adlawa sa alas 4:00 sa hapon.
Kini ang gibutyag ni Mother Louella Grace Buscato, Mother Superior sa Daughter of Saint Teresa (DST) nga nahimutang diha sa Barangay Valladolid, Dakbayan sa Carcar.
Matud ni Buscato nga adunay 20 ka Obispo ang nipadayag nga moapil sa maong kalihokan ug adunay pipila niini ang ania na sa Sugbo.
Si Buscato nagkanayon nga ang maong mga obsipo mo uban ni Papal Nuncio to the Philippines Archbishop Charles Brown nga maoy main celebrant ug uban sa mga monsignor ug kaparian sa Archdiocese of Cebu.
Kagahapon gibutyag ni Buscato nga anaa na sila sa 99 porsyento sa ilang mga pagpangandam sa maong kalihokan.
Dugang pa ni Buscato nga aduna usab silay daghang volunteers nga motabang aron mapahapsay ang mga kalihokan. BDB (BANATNEWS)