Mga handumanan ni Camomot angayan ampingan
CEBU, Philippines — Giawhag kadtong mga tawo nga dunay hugot nga debosyon kang Archbishop Teofilo Camomot nga naghupot sa pipila ka kabtangan dihang buhi pa kini nga ampingan ang maong mga butang.
Kini ang panawagan sa congregation sa Daughters of Saint Teresa de Avila, sa Valladolid Dakbayan sa Carcar.
Suma pa ni Mother Louella Grace Buscato, mother superior sa DST nga mao kini ang kanunay nila nga gipanawagan sa katawhan nga naghupot sa mga handumanan ni Camomot. Lakip sa ilang gihangyo nga kun mahimo ila kining iturn over sa ilaha aron mabutang sa Dumos kon balay ni Nyor Lolong, nga anaa sa DST Compound.
Diha sa Dumos nahimutang ang tanang mga kagamitan ni Camomot sa dihang kini buhi pa lakip ang iyang higdaanan ug mga lingkoranan tungod kay matawag kini nga museum.
Ang maong panawagan subay usab kini sa Solemn Thanksgiving Mass and Promulgation of the Decree of Heroic Virtues of Venerable Teofilo Camomot karong Hulyo 27, 2022 sa alas kwatro sa hapon. — /MEL (BANAT NEWS)
- Latest
