Loot nilingkod nga municipal administrator sa Daanbantayan
CEBU, Philippines — Gibutyag ni Daanbantayan Mayor Sun Shimura nga si kanhi PNP general ug kanhi Daanbantayan Mayor Vicente Loot mao na karon ang municipal administrator sa ilang lungsod.
Si Shimura nagkanayon nga niadtong Hulyo 4, 2022 si Loot nagsugod pagtrabaho.
“So far okay raman ang dagan. It’s been three days”, matud ni Shimura.
Gibutyag ni Shimura nga ni-apply si Loot sa maong position.
“How am I to say no. more than fit siya sa position”, matud ni Shimura.
Si Loot usa kini sa mga kanhi heneral sa Philiippine National Police nga gigukod sa administrasyon ni kanhi Presidente Rodrigo Duterte tungod kay giingong nalambigit kini sa illegal nga drugas isip protector. Si Shimura nagkanayon nga taliwala sa paglambigit kang Loot sa ilegal nga drugas wala gihapoy kaso nga napasaka batok sa kanhi heneral.
Si Loot nga usa ka retired police chief superintendent naapil kini sa listahan sa mga narco general nga na-release niadtong tuig 2016.
Pipila na usab kini siya kahigayon naka-survive sa mga hulga sa iyang kinabuhi diin pila kahigayon kining gibanhigan.
Si Loot kinsa maoy bana ni kanhi Daanbantayan mayor Maria Luisa “Malou” Loot nga inahan ni Shimura ang pipila katuig kining wala mopatim-aw sa publiko. —BDB (BANATNEWS)
- Latest
