CEBU, Philippines — Bag-ong hepe sa kapulisan sa lungsod sa Minglanilla milingkod na sugod niadtong Hunyo 28 ning tuiga.
Si Police Major William Homoc gihulipan ni Police Major Albart Bacug. Si Homoc nakaserbisyo sa Minglanilla sud sa usa ka tuig ug upat ka buwan.
Siya madestino na karon sa Provincial Headquarters sa Cebu Provincial Police Office.
Samtang si Bacug nilahos na dayon sa pakigtigom sa iyang mga sakop sa dihang niasumir sa katungdanan isip bag-ong hepe.
Unang gihimo sa kapulisan mao ang paghatag og seguridad atol sa oath taking sa mga bag-ong opisyal sa lungsod sa Minglanilla. —/IBM (BANAT NEWS)