Ordinansa nga miila sa LGBTIQ giaprobahan sa konseho

CEBU, Philippines — Giaprubahan sa Cebu City Council ang ordinansa nga miila sa LGBTIQ+sector ug pag-umol og city’s SOGIESC Pride Empowerment Program, nga mag establisar sa SOGIESC Pride Empowerment Council (SPEC).

Ang SOGIESC maoy acronym sa sexual orientation, gender identity, gender expression, ug sex characteristics.

Si Konsehal Jessica Resch ang author sa maong ordinansa naghatag sa mga sakop sa LGBTIQ+ og kasayon sa ilang inadlaw nga pagpabakuhi aron batokan ang diskriminasyon og pagpanagmal.

“This measure seeks to recognize the vibrant and visible LGBTIQ+ sector of the city and to eliminate barriers on their full development as individuals due to marginalization because of their sex characteristics, gender identity, gender expression, and sexual orientation”, tipik sa ordinansa.

Nakalatid sa section 3 nga ang tanang tawo gawasnon ug patas sa dignidad ug tawhanong katungod.

Hinungdan nga wala’y bisan kinsa ang mag-antos sa diskriminasyon ilabi na sa sexual orientation sa tawo.

Lakip sa gikonsiderar nga kalapasan sa SOGIESC-mao kining malisyosong pagpakauwaw sa publiko sa indibidwal gumikan sa person’s sexual orientation niini.

Ang mga barangay ubos sa jurisdiction sa siyudad moumol sa composition ug pag-convene sa ilang tagsa-tagsa ka barangay SPEC unom ka buwan human sa approval sa ordinansa.

Mokabat sa P3 million ang gigahin nga budget niini nga adto kuhaon GAD budget fund matag tuig alang sa implementasyon niini.

Ang City Legal Office nga dunay tinudlo nga City SPEC Executive Director maoy moumol sa rules ug regulations subay na sa ordinansa sulod sa 60 ka adlaw human kini napasar. — MEL (BANAT NEWS)