Sara Duterte nanumpa na
CEBU, Philippines — Nanumpa na isip ika-15 nga bise presidente sa nasud si vice president-elect Sara Duterte kagahapong adlawa. Kini bisan pa man og duna pay 11 ka adlaw sa dili pa kini opisyal nga molingkod subay sa Konstitusyon.
Subay sa Konstitusyon, ang termino sa bise presidente opisyal nga magsugod Hunyo 30 sa udto.
Nanumpa siya sa atubangan ni Supreme Court Associate Justice Ramon Paul Hernando samtang gikuptan sa iyang inahan nga si Elizabeth Zimmerman ang Bibliya ug nibarog nga testigo si Presidente Rodrigo Duterte.
“When I committed myself to governance and public service, I was also determined to finish three consecutive terms as mayor,” matud pa ni Duterte-Carpio sa iyang speech.
“That will not happen anymore. I am now the vice president-elect.”
Matud pa niya, gitawag siya aron modagan pagka bise presidente ug mitingog ang 32.2 milyones ka mga Filipino ug klaro kaayo ang mensahe para kaniya pagserbisyo sa nasud.
Sa sayo pa, si Vice President-elect Duterte miingon nga gusto niyang adto sayuhon ang iyang inugurasyon kay gusto niyang masaksihan sa mga taga Davao ang maong adlaw. Si Duterte nahimong mayor sa maong siyudad gikan tuig 2010- 2013 ug 2016 hangtud karon.
“Hindi ako ang pinakamagaling o pinakamatalinong tao sa Pilipinas o sa mundo ngunit walang makakatalo sa tibay ng puso ko bilang isang Pilipino,” matud pa niya.
Ang pagpanumpa ni Duterte gihimo diha sa San Pedro Square sa Davao City. Mitambong niini si President-elect Ferdinand Marcos Jr. ug asawa niining si Liza Araneta-Marcos, Sen. Imee Marcos, Ilocos Norte Congressman-elect Sandro Marcos, ug Pampanga Rep. Gloria Macapagal-Arroyo. Giimbitahan si Vice President Leni Robredo sa maong inugurasyon apan duna kini laing mahinungdanong giatiman sa Naga City sa Camarines Sur.—
- Latest
