CEBU, Philippines — Moabot na ngadto sa P15 ang plete sa mga tricycle sa lungsod sa Daanbantayan.
Base sa resolution nga gipasar sa Sangguniang Bayan sa Daanbantayan ang pag adjust sa pletehan sa mga tricycle nahiuyon sa pag adjust sa fare rates sa mga tricycles subay sa sugyot sa riding public, tricycle operators ug sa Daan bantayan Traffic Management Office Manager.
Sa resolusyon, ang plete gikan sa Poblacion padulong sa Tinubdan, Dalingding, Bateria, Talisay, Bakhawan, Agujo-Tapilon, Agujo-Lanao ug Lib-og Lana maobot sa P15. Dugang P5 kon molahos o sa matag barangay.
Ang minimum usab nga plete sa mga senior, PWD ug tinun-an anaa sa P12 ug dugang P4 sa matag barangay.
“The Sangguniang Bayan seeks to give both the tricycle operators and the riding public equal treatment due to the current effects of the pandemic to the constituents of the Municipality of Daanbantayan” sumala sa resolution No. 132- 2022. —MEL (BANATNEWS)