Talisaynon nga top sa LET gipahalipayan
CEBU, Philippines — Nakadawat og pahalipay nga pinansiyal gikan sa Siyudad sa Talisay ang Talisaynon nga si Lucille Dejos kinsa top 3 sa Licensure Examination for Teachers (LET).
Si Mayor Gerald Anthony “Samsam” Gullas Jr. nagkanayon nga nalakip na kini sa ilang ordinansa nga ang mga naghatag og garbo sa Talisay makadawat og pahalipay nga pinansiyal.
Si Dejos nigradwar kini sa Talisay City College (TCC) ug nikuha sa pasulit niadtong buwan sa Marso niining tuiga.
Matud ni Dejos nga wala siya magdahum sa resulta sa eksaminasyon ug dako ang iyang pasalamat nga bisan sa ilang kalisod anaa ang TCC nga nitanyag og libre nga pagtungha.
Si Dejos uban ni Dr. Richel Bacaltos, presidente sa TCC ug sa mga magtutudlo sa TCC nga nibisita sa buhatan ni Gullas.
Ug sa maong pagbisita si Gullas nihatag kini og pahalipay kang Dejos. Ang TCC na establisar kini niadtong tuig 2004 pinaagi kang Kongresista Eduardo Gullas sa unang distrito sa Probinsiya sa Sugbo ug kanhi mayor sa Dakbayan sa Talisay. —BDB (BANATNEWS)
- Latest
