CEBU, Philippines — Ang mga kaigsuonang Muslim dinhi sa Sugbu nanawagan ug nag-ampo alang sa kalinaw ug panaghiusa sa tanan sa tibuok kalibotan ning pagtak-op na sa ilang pagpuasa nga gitawag og Eid’l Fitr Al Mubarak.
Ang Muslim community sa Cebu City misugat sa selebrasyon sa Plaza Independencia kagahapong adlawa sayo sa buntag gisugdan pinaagi sa ilang pagampo ug lakip ang sermon sa Imam.
Sama sa naandan, nagsalo-salo sila mga pagkaon timaan sa pagtak-op sa 40 ka adlaw nilang pagpuasa.
Apil sa ilang giampo mao ang kalinaw sa umaabot nga eleksyon sumala pa ni Ijoden Saripada Mamacol sa Office of Muslim Affairs and Indigenous Cultural Communities sa Cebu City.
Bisan kagahapon ang selebrasyon sa Eid’l Fitr apan karon pa ang regular holiday nga gitakda sa gobiyerno. —IBM (BANATNEWS)