Duterte nangulo sa commemoration sa501st Kadaugan sa Mactan
CEBU, Philippines — Si Presidente Rodrigo Duterte maoy nangulo sa commemoration sa ika-501st nga Kadaugan sa Mactan diin ang kalihokan gipahigayon diha sa Liberty Shrine sa Barangay Mactan kagahapon sa hapon.
Ang maong kalihokan maoy nagsilbing pagtak-op sa kabahin sa Mactan sa 2021 quincentennial commemorations sa Pilipinas.
Ang consolidated national uglocal program pagtimaan kini sa historic events sa tuig 1521 ug ang Pilipinas kabahin sa first circumnavigation of the world.
Ang commemorative program gipangulohan sa national quincentennial committee pinaagi sa National Historical Commission of the Philippines uban sa pakig-alayon sa city government sa Lapu-Lapu ug ubang national agencies.
Uban ni Duterte sa maong kalihokan sila si Executive Secretary Salvador Medialdea, Department of Education Secretary Leonor Briones, Senador Christopher Lawrence “Bong” Go, NHCP Chairman Rene Escalante, Lapu-Lapu City Mayor Junard Chan ug uban pa.
Human sa commemorative rites gisunod dayon ang annual nga Kadaugan sa Mactan reenactment sa 1521 battle ug cultural show nga gipahigayon sa kagamhanan sa siyudad.
Sa laing bahin, gitinguha ni Cebu City Mayor Michael Rama nga ang Lapu-Lapu Day saulogon sa tibuok Probinsiya sa Sugbo ug dili lang sa Dakbayan sa Lapu-Lapu. Gipadayag kini ni Rama atol sa iyang pagpamulong sa kalihokan nga gipahigayon sa kagamhanan sa Dakbayan sa Sugbo diha sa Plaza Sugbo suba sa paghandom sa Lapu-Lapu Day kagahapon.
Matud ni Rama nga ang coverage sa special non-working holiday kagahapon angayan nga ipaabot usab ngadto sa ubang mga lugar sa Isla sa Sugbo. Ang Akta Republika Numero 11040 nga gipirmahan ni Duterte niadtong Hunyo 29, 2018 nagtugot lang sa deklarasyon sa special non-working holiday sa Siyudad sa Lapu-Lapu. —Decemay P. Padilla/BDB (BANATNEWS)
- Latest
