Grand rally nila ni Durano-Davide karon
CEBU, Philippines — Ipahigayon karong adlawa ang grand rally nilang gubernatorial candidate ug kanhi tourism secretary Joseph Felix Mari ‘Ace’ Durano ug runningmate niini nga si incumbent Vice Gov. Hilario Davide III.
Dunay mga report nga posibleng mobalik karong adlawa dinhi sa Sugbo si presidential aspirant Vice President Ma. Leonor ‘Leni’ Robredo alang niini.
Sa advisory nga gipadala ngadto sa mga sakop sa media ang maong rally ipahigayon sa St. Scholastica’s Academy sa dakbayan sa Talisay. Ang kampo ni Durano wala pay pormal nga anunsyo kun si Robredo na ba ang iendorso nga presidential aspirant apan aduna nay mga unofficial reports sa online nga posibleng paluyohan ni Durano si Robredo.
Si Davide hagbay ra nga nipadayag og suporta kang Robredo tungod kay sila magkapartido sa Liberal Party.
Kun madayon, ikatulo na kining niari sa Sugbo si Robredo, una niadtong Pebrero, ikaduha niadtong Abril 21 sa dakbayan sa Mandaue.
Karong adlawa sa dili pa ang rally sa Durano-Davide tandem, ang duha mopahigayon sad og caravan sa pipila ka lungsod sa south.— IBM (BANATNEWS)
- Latest
