CEBU, Philippines — Mihalad ug pag-ampo si Archbishop Jose Palma sa mga nabiktima sa bagyong Agaton sa Leyte nga mikalas ug daghan nga kinabuhi.
Ang Arsobispo nidasig ug niawhag sa mga naapektahan sa maong katalagman nga dili mawagtangan ug paglaum nga makabangon gihapon bisan pa sa nasinate nga kalisdanan human moigo ang bagyo.
Gihatag usab sa simbahan ang second collection nga nakolekta niadtong adlaw nga Domingo alang sa mga nabiktima sa katalagman sa Leyte.
Gidasig usab sa Arsobispo, ang katawhan nga adunay katakos sa pagtabang sa pagpaambit sa ilang mga abot o grasya ngadto sa mga nabiktima sa bagyong Agaton.
Kung mahinumduman ang katawhan sa Leyte padayon karon nga nanawagan ug tabang human pipila ka barangay ang apektado sa landslide.
Sa nasayran kapin na sa usa ka gatus ang naugkat nga mga patayng lawas nga natabunan sa yuta ug aduna pay daghang gipangita.— MEL (BANATNEWS)