Sugat Kabanhawan gidagsa og mga tawo
CEBU, Philippines — Gihugpaan sa katawhan ang mabulokon kaayo nga Sugat Kabanhawan Festival sa Lungsod sa Minglanilla diha Minglanilla Sports Complex kagahapong adlawa.
Usa ka santos nga misa ang gipahigayon ni Fr. Joy Danao, Team Moderator sa Team of Pastors sa Archdiocesan Shrine of the Immaculate Heart of Mary uban sa mga kaparian nga bisita.
Matud pa ni Danao unang higayon nila sa Team of Pastors nga nakasaksi sa maong kalihukan.
Sumala pa ni Danao usa kini maanindot nga pamaagi sa katekismo o pagedukar sa katawhan kabahin Pagkabanhaw.
Gitug-an ni Danao, ang Pasko sa Pagkabanhaw, nagpasabot nga adunay kadaugan human sa kapildihan, adunay kinabuhi human sa kamatayon, adunay kinabuhi diha sa kangitngit, adunay grasya gikan sa mga sala ug ang gugma maoy mopatigbabaw kanunay.
Samtang si Mayor Elanito Peña sa Lungsod sa Minglanilla mapasalamaton sa kalampusan sa maong kalihukan human sa duha ka tuig kini nga wala nila mabuhat tungod sa pandemiya.
Dili mominos sa P5 milyones ang gigahin sa lungsod alang sa maong relihiyosong kalihokan. —IBM (BANATNEWS)
- Latest
