Lig-on nga sistema sa paghipos sa basura gitinguha
CEBU, Philippines — Pormal na nga gibuksan kagahapon ang labing una nga Solid Waste Management (SWM) Summit sa kagamhanan sa Siyudad sa Sugbo nga gipahigayon sa SM Seaside City Cebu.
Sa usa ka bahin sa maong programa, gibutyag ni Mayor Michael Rama nga gusto siya nga magbilin ug legasiya samtang siya pa ang nagdumala sa siyudad.
Ang maong summit maoy tipik sa “21 gun salute” programs sa mayor kun diin gipaniguro niya nga mapadayon ang mga programa ni anhing Mayor Edgardo Labella.
Nitambong ang pipila ka mga opisyales sa siyudad ,barangay officials, mga representante sa Department of Environment and Natural Resources, pribadong sektor, youth organizations , Department of Transportation and Communication , Association of Barangay Councils, malls, Cebu Archdiocesan Commission on Environmental Concern(CACEC) ug uban pa.
Duna pu’y pipila ka mga representante gikan sa nagkadaiyang international groups.
Tumong sa maong kalihokan mao ang pag-umol sa mas lig-ong sistema sa paghipos sa basura.
Ang maong summit molungtad hangtud ugmang adlawa ug gipaabot nga maumol sa maong kalihokan mao ang lapad nga waste management plan.
Pinaagi sa maong summit, masuta usab ang ubang mga ideya sa nagkadaiyang sektor. MEL (BANATNEWS)
- Latest
