CEBU, Philippines — Gitataw ni Konsehal Eduardo Rama nga dako og matabang sa iyang kandidatura pagka-kongresista sa Cebu City South District ang nadawat niya nga endorsement gikan ni Presidente Rodrigo Duterte.
“I am honored and humbled by the endorsement of President Rodrigo Roa Duterte,” matud ni Rama.
Matud ni Rama nga ang maong endorsement nagpaila lang nga adunay dakong pagsalig ang presidente sa iyang track record.
Gibutyag ni Rama nga dugay na siya sa panerbisyo diin sulod na kini sa 18 ka tuig. “We have been faithfully representing and serving the people of the south district for 18 years. In that time, we strived to uplift the lives of our fellow Cebuanos in the south district by bringing them opportunities and addressing their concerns and needs”, ni Rama pa. Gipasigarbo ni Rama nga naalagaran na niya ang nagkadaiyang sektor sa katilingban.
“We passed several pieces of meaningful legislation, which have empowered and aided the Cebuano people, from solo parents to the youth and many more”, padayag ni Rama.
Nagkanayon si Rama nga makahuloganon kaayo ang suporta sa kasamtangang presidente.
“This endorsement means a lot to me, as it shows that the president has trust and confidence in me and my track record of service to the people. Daghang salamat, President Duterte!”, dugang ni Rama. BDB (BANATNEWS)