CEBU, Philippines — Nagpahigayon og simulation exercise ang Cebu City Fire Office nga naglamabigit og high-rise building diha sa Cebu Business Park nga kabahin sa pag-obserbar sa Fire Prevention Month.
Ang maong kalihukan maoy opisyal nga motapos sa tanang kalihukan nga gihimo sa kabomberahan sa buwan sa Marso.
Matud sa tigpamaba sa Cebu City Fire Office Senior Fire Officer 2 Wendel Villanueva, ang simulation exercise mipakita nga dunay kapasidad ug kapabilidad ang kabomberohan sa pagtubag og alarma sa sunog nga naglambigit og high rise buildings.
“Sayod man kita diri sa Cebu Business Park, didto sa I.T Park daghan kaayo og high rise buildings, so ato ni siyang himoon nga programa na dili lang ni siya karong buwana sa Marso apan all year round na nato ni buhaton . Atong gi-showcase ang atong aerial ladder, fire safety cushion, tanan atoang mga special rescue sa Bureau Fire Protection sa Cebu City Fire Office,” sigon ni Villanueva.
Sa simulation exercise nga gihimo gipakita sa kabomberohan ang ilang abilidad sa rappelling aron pag-rescue sa mga tawo nga naa sa ibabaw sa tag-as nga buildings.
Sigon ni Villanueva ang pagbuhat sa nagkalain klase sa rappelling nagkinahanglan gyud og saktong training.
“Generally it was good of course lisod man kaayo moingon ta it’s very good or excellent because there’s always a room for improvement. Daghan ta’g nakita nga mga lapso siguro but this is the first time nga nag-conduct ta og simulation exercise nag-involve og high rise buidings, in the next few months pa mag-conduct ta og same activity ato na gyud ni siya ma-master, eventually simbako lang mahitabo gyud nga mag-involve og high rise ato gyud ma perfect atong pag-responde,” matud ni Villanueva.
Subay niini, si Val Theodore Macias, Estate Manager sa Cebu Business Park mihulagway nga dako og tabang ang simulation exercise sa Cebu Business Park kay usa kini ka Central Business Hub sa Cebu City.
Dako kini og tabang aron masiguro ang ilang kaandam panahon sa emerhensiya sama sa sunog.
“By the end of the day dependent ra gihapon mi sa unsay assessment sa BFP for this one. However wala man tay nakita nga negative side karon which is good because every drill we keep on improving together with Ayala Property Management Corporation so for this one naay mga area for improvement which is we are looking forward nga in the next drill mas ma implement pa gyud nato,” asoy ni Macias.— IBM (BANATNEWS)