CEBU, Philippines — Isumbong sa mga opisyales sa barangay Lagtang, Dakbayan sa Talisay ngadto sa sa City Social Welfare and Development (CSWD) ang mga tawo nga di na angayan nga makadawat og ayuda human sa bagyong Odette.
Si Kapitan Chester Salcedo Salcedo mipahibawo niini diha sa iyang Facebook account alang ngadto sa iyang mga konstituwenti.
“For fairness sake, kung naa moy silingan o kaila lang nga naa sa listahan karon nga dili na angayan modawat. Palihug lang og message aron isumbong nato sa DSWD,” tipik sa iyang pamahayag.
Asoy pa ni Salceda nga ang mosumbong di angay nga mabalaka tungod kay ila kining isipon nga confidential.
Ang CSWD, nagpadayon na sa paghatag sa ayuda alang sa dul-an 20 mil ka tawo nga partially damaged ang mga panimay.
Si Felipa Solana, pangu sa CSWD miingon nga nalakip na dinhi sa ihap ang 4 mil ka tawo sa 40 mil nga unang nalista ug sila nauwahi lang sa pag claim sa ayuda.
Ang ilang giuna mao kadtong mga unclaimed nga ayuda sa 10 ka barangay sa Talisay.
Sa laing bahin nakadawat og hinabang gikan sa kagamhanan sa Dakbayan sa Mandaue ang 102 ka mga biktima sa sunog diha sa barangay Pagsabungan.
Mokabat sa P10 mil pesos ang hinabang nga gihatag sa mga tag-iya og balay samtang P5mil usab ang mga nag abang sa panimay nga nasunog.
Si Mayor Jonas Cortes miingon nga ang maong hinabang gitumong aron makapatukod og balik sa ilang mga panimay ang mga biktima.
Padayon usab ang pahimangno sa kabomberohan aron malikayan ang sunog pinaagi sa ilang gihimong rekoreda nonot usab sa pagsaulog sa fire prevention month sa tibuok buwan sa Marso. —Romeo T. Limpangog/MEL (BANATNEWS)