CEBU, Philippines — Nitaliwan na ang bise Mayor sa lungsod sa Santander nga si Vice Mayor Marilyn ‘Bebe’ Wenceslao sa edad nga 77 anyos.
Gipahibawo kini sa LGU sa ilang facebook page kagahapong adlawa.
“The entire Municipality of Santander wishes to convey it's sincerest condolences to the untimely demise of our Municipal Vice Mayor, Hon. Marilyn "Bebe" Wenceslao,” pagbasa sa post.
Ang anak ni Vice Mayor Bebe nga si kanhi Vice Mayor Wilson Wenceslao, nipahibalo usab nga namatay iyang inahan niadtong Marso 21.
“It is with great sadness that we announce the passing of our beloved mama, Marilyn “Bebe” Singco Wenceslao who peacefully joined our Creator yesterday at the age of 77,” matod ni Wilson
Ang pamilyang Wenceslao nitugot sa publiko nga makabisita ug paghatag og kataposang respeto ngadto kang Vice Mayor Bebe sa funeral chapel sa Cosmopolitan gikan March 21 ngadto March 23 ug gikan March 24 ngadto March 30 didto sa Private Beach House sa pamilyang Wenceslao sa Santander.
Wala hinoon gibutyag kon unsay hinungdan sa pagkamatay sa bise Mayor. —MEL (BANATNEWS)