Bise mayor gisunda’g mga armadong lalaki
CEBU, Philippines — Gitug-an ni Bise Mayor Ricci Reluya sa lungsod sa San Fernando nga dunay mga armadong lalaki nga nabantayan nilang nagsige og sunod-sunod kanila atol sa ilang mga lakaw.
Iya kining gipahibawo diha sa iyang Facebook Page. Siya nagkanayon nga usa ka puti nga Isuzu D-Max ang nabantayan nilang nagsunod-sunod sa iyang sakyanan diha sa karsada sa barangay Panadtaran niadtong Sabado sa alas 7:30 sa gabii.
Sa iyang pakisusi, upat ka mga tawo ang sakay sa sakyanan nga gituohang mga armado.
“PLEASE BE AWARE: White Isuzu D-max followed my car sa Barangay Panadtaran road. D-max was spotted around Linde since 7:30pm 4 individuals inside. Believed to have firearms. With the grace of God naka notice jud mi. Please be vigilant in your surroundings. If spotted please inform local PNP
#032 238 9059,” sumala pa sa post ni Reluya.
Gisuwayan sa pagkontak sa Banat News si Reluya aron kuhaan og dugang pamahayag bahin sa iyang post apan wala kini motubag.
Una niini, si Reluya nagsugod sa pag-post sa mga hulga sa iyang kinabuhi human sa pagpatay sa magtiayong Baringuian.
Ang babaye nga Baringuian nagpapili pagkakonsehal sa lungsod uban sa ilang grupo.— IBM (BANATNEWS)
- Latest
