Canyoneering sa Alegria buksan na og balik
CEBU, Philippines — Gikatakdang buksan og balik ang canyoneering activity ug mga tourism destinations sa lungsod sa Alegria.
Gipahibawo sa lungsod sa Alegria pinaagi sa facebook page sa ilang tourism office nga buksan karong Marso 17, 2022 ang mga lugar nga suroyanan sa mga turista ingon man ang ubang kalihukan sa turismo sa lungsod.
Lakip sa ilusad ang Kanlaob Canyoneering, Wonderfalls Canyoneering, Cancalanog Cascade, Mt. Lanaya Adventure ug Organice Demo Farm.
Nasayran una nang nabuksan og balik ang canyoneering activity usab sa lungsod sa Badian.
Niadtong Pebrero pa lang nipahigayon na og tigum ang lokal nga kagamhanan ingon man post assessment inspection ngadto sa mga tourism destinations sa Alegria.
Lakip sa mikuyog sa inspection mao ang Cebu Provincial Tourism Office, PDRRMO, Philippine Coast Guard, Philippine Maritime Police.
Ang Alegria maoy usa sa mga lungsod sa South Cebu nga labing naapektohan sa bagyong Odette niadtong Disyembre 16, 2022.
Wala makalikay ang mga tourism destination sa kadaot nga dala sa bagyo hinungdan nga gihunong ang operasyon niini sulod sa tulo ka bulan. —MEL (BANATNEWS)
- Latest
