“Bimbo” Fernandez pabiling mosuporta ni Robredo

CEBU,  Philippines — Magpabilin gihapon ang suporta ni kanhi Cebu City Administrator ug kandidato pagka-bise mayor nga si

Francisco "Bimbo" Fernandez ngadto kang Bise Presidente Leni Robredo kinsa nidagan pagka-presidente bisan pa man

og wala siya pasak-a  sa political rally niini dinhi sa siyudad sa Sugbo niadtong Huwebes sa gabii.

Matud pa ni Fernandez nga nakugang siya sa dihang dunay ni-text kaniya nga dili siya pasakaon sa

entablado. Gikahibulong kini og maayo ni Fernandez  sanglit usa unta siya sa mga taod-taod na nga supporter ni

Robredo sa panahon nga wala pa'y mga politiko nga nipadayag og suporta sa bise president.

Nasayran nga nisaka sa entablado sa political rally ni Robredo ang kaatbang ni Fernandez nga nidagan

pagka-bise mayor nga si Liga Ng Mga Barangay -Cebu City Chapter President Franklyn Ong.

Lakip usab sa nisaka sa entablado mao sila si Kanhi Mayor Tomas Osmeña, kapikas niini nga si kanhi

Konsehal Margarita Osmeña kinsa midagan pagka mayor,ug uban pa nga mga personalidad sa Bando Osmeña Pundok Kauswagan.(BANAT NEWS)