MECO: 80 porsiyento sa isla sa Mactan nabalik na ang kuryente

CEBU, Philippines — Moabot nalang og 25 porsiyento sa mga konsumidor sa Mactan Electric Company (MECO) ang wala pa nabalikan sa ilang kuryente human sa 24-oras tibuok semana nga walay hunong nilang trabaho aron mabalik ang linya sa Lapu-Lapu City ug lungsod sa Cordova.

“Days after the typhoon 60% of MECO's line assets were damaged, our wires, transformers and meters were stolen,” matud pa sa pamahayag sa MECO.

Dako ang problema sa MECO pagpabalik og dali sa kuryente sa mga lugar tungod sa traffic tungod sa wala mangahuman nga karsada; nangatumbang kahoy; basura; mga posting nagbabag sa dalan; ang isyu bahin sa road-right-of way sa pabarugon nilang poste ug uban pa.

“We also have short of materials supply for the replacement of these damaged ones,” dugang pa sa ilang pamahayag.

Apan bisan pa aning mga hagit, napabalik nila ang kuryente sa 80 porsiyento sa ilang mga konsumidor.  Nagpasabot kini nga 80 sa kada 100 ka koneksyon na ang duna nay kuryente.

“MECO can only assumed for a total or 100% target restoration of its system not to the readiness of the customer side to be energized,” dugang pa niini.

Nagpasabot kini nga dunay mga dapit nga dili nila madali-dali og pasiga tungod kay dunay ubang mga koneksyon gikan sa mga poste padung sa mga balay o buildings nga naguba, nasanday sa mga atop, ug uban pa nga peligroso kaayo kun ilang pasigahon nga wala mainspeksyon ug maayo. Nahitabo kini sa barangay Babag ug sa barangay Pajo nga nisiga ang mga wire dihang ilang gipasiga ang kuryente, tungod niini kinahanglan nasab nila pagngon ang kuryente.

Naguba sab sa bagyo ang mga metrohan nga kinahanglang ilisan.

Giawhag sab sa MECO ang mga tagbalay nga ipahibalo kanila o ba kaha sa ilang mga accredited nga linemen kun dunay guba sa ilang koneksyon aron mabalik ilang kuryente.—IBM (BANATNEWS)