Mga kawani sa Lapu-Lapu makadawat og P25,000 nga bonus

CEBU, Philippines — Nipadayag sa ilang kalipay ang mga kawani  sa kagamhanan  sa Dakbayan  sa Lapu-Lapu dihang gipahibalo ni Mayor Junard  Ahong Chan niadtong Lunes human sa ilang flag raising ceremony nga makadawat sila og P25,000 nga bonus.

Matud ni Chan nga ang mga empleyado sa city hall ang makadawat sa ilang quincentennial bonus niining bulana. Ang mga regular, casual ug coterminous nga mga kawani ang makadawat  og susamang kantidad sa ilang usa ka bulan nga sweldo nga P25,000 o labaw pa niini.

Samtang makadawat usab og differential nga P50 sa matag  adlaw ang mga job order gikan sa buwan sa Enero 2021 hangtud  sa Disyembre 2021 o nagkantidad kini og P13,200.

“For the job order personnel huwag kayong mag-alala. Mahal ko kayo. You will also receive a salary differential of P50 a day from January to December. You will receive a total of P13,200”, matud ni Chan.

Si Chan nagkanayon nga ang qincentennial bonus dako kaayog ikatabang sa mga kawani sa city hall sa nawala kanila panahon sa pandemic. Ang quincentennial bonus gihatag kini sa kagamhanan isip sa pagpasidungog sa ika-500 nga annibersaryo nga kasumaran sa Kadaugan sa Mactan 2021. BDB (BANATNEWS)