Laing pumpboat nalunod
CEBU, Philippines — Laing pumpboat na sab ang nalunod diha sa kadagatan sa Hilantagaan Island, Lungsod sa Santa Fe kagahapon sa buntag, hinuon naluwas ra sada dayon ang upat nga sakay niini.
Ang mga naluwas nga sakay sa MBCA Juresan John mao sila si Jbong Alvarez, 3-anyos; Joel Illustrisimo,29; Tony Estocano,53; ug Noel
Gilbuena,30. Ang Coast Guard Sub-Station Santa Fe mirespondi sa alarma kauban ang MDRRMO Santa Fe.
Apan pagabot sa grupo didto, nakabalhin na sa MBCA Angela Mae ang upat ug gidala ngadto sa isla sa Kinatarkan. Ang coastguard ug
MDRRMO miguyod sa nalunod nga pumpboat padung sa Barangay Okoy sa maong lungsod.
Nasayran nga samtang sila naglawig ang MBCA Juresan John nabantayan sa kapitan nga adunay tubig nisulod sa luwang gikan sa buslot sa bungbong niini hinungdan sa pagkalunod niini.
Ang coastguard mohimo pa og dugang imbestigasyon may kalabutan sa maong insidente.
Sayo ning semanaha, dunay nalunod nga pumpboat sa Hilutongan Channel sa Lapu-Lapu City nga dunay siyam nga naluwas samtang usa ang hangtud karon missing. (BANAT NEWS)
- Latest
