Kapin P200 milyones nga proyekto gibubo sa probinsiya
CEBU, Philippines — Moabot ngadto P104 million ang nabubo nga proyekto sa imprastraktura sa Probinsya sa Sugbo ngadto sa Bantayan island.
Upat ka road concreting projects nga moabot sa 8.8 kilometro tanan ang gi-inagurahan ug gi- groundbreak sa mga opisyal sa Probinsya gipalungohan ni gobernador Gwendolyn Garcia. Lakip sa mga proyekto mao ang pagkonkreto sa Obo-ob-Maricaban road section, Bag-ong Dalan road section sa Barangay Talangnan sa Madridejos ug ang Kabangbang-Kangkaibe Bagong dalan road section sa lungsod sa Bantayan.
Gi-inagurahan usab ang 2.4 kilometro nga Pooc-Maricaban Tourist road section sa Sta Fe nga mobalor og P30.2 million matud ni Mayor Ithamar Espinosa nga ang maong mga dalan usa ka damgo kaniadto sa lungsod.
Moabot sa subra 200 milyones ang kantidad sa mga proyekto sa imprastraktura nga gibubo sa Bogo ug Daanbantayan Sa laing bahin usa ka bag-ong power plant ang nag-operate na sa isla sa
Bantayan nga maoy tubag sa problema sa supply sa kuryente sa isla. Ang Isla Norte Energy Corporation (INEC) usa ka incorporated joint
venture sa Vivant Integrated Diesel Corporation (VIDC) ug Gigawatt Power Inc. (GPI) gi-inagurahan niadtong Nobiyembre 10, 2021. Ang INEC plant usa ka 23.3- megawatt (MW) diesel engine power plant sa
Barangay Kabangbang lungsod sa Bantayan nga maoy na- awardan sa 15 ka tuig nga supply contract o power supply agreement uban sa Bantayan Electric Cooperative Inc. (BANELCO).
Si Mayor Arthur Despi sa Bantayan nagkanayon nga tungod sa maong power pant gipaabot nila nga maayo na ang sitwasyon sa kuryente sa lungsod. (BANAT NEWS)
- Latest
