CEBU, Philippines — Ang limitado nga face to face classes sa tanang programa ubos sa higher education ug technical vocational education and training gihatagan na og permiso diha sa mga lugar nga ubos sa level 2 alert diin aprobado kini sa Inter-Agency Task Force for the Management of Emerging Infectious Diseases.
Ang maong kalamboan nitumaw human sa pag-release sa IATF og guidelines kagahapon sa pag-implementar sa alert level system sa COVID-19 response sa pilot areas.
Ang nahisgutang kalamboan subling gipadayag ni Presidential Spokes Person Harry Roque sa press briefing kagahapon.
Matud ni Roque nga sa pagkakaron gitugotan lang sa CHED ang 50 porsyento nga classroom capacity.
Apan sa dili pa niini, kinahanglan ang classrooms retrofitted alang sa ventilation aron maglahos-lahos ang hangin paglikay sa COVID-19.
Ang vaccination status sa mga magtutudlo ug estudyante ang gi-required usab. Si Prospero De Vera, chairman sa CHED nagkanayon nga base sa ilang datos gikan sa higher education institution, ang nationwide vaccination rate sa faculty members ug ubang empleyado ang anaa karon sa 73 porsyento apan ang ilang coverage asa mga estudyante ubos kini sa 30 porsyento.
“Uulitin ko po, pupwede na ng limited face-to-face pero hindi po yan instant, hindi po magkakaroon ng face to face sa Lunes kinakailangan muna po pumayag ang mga LGUs at saka kinakailangan mag-retrofit muna po tayo ng mga classrooms”, matud ni Roque. Ang The Freeman (igsuong pamantalaan sa Banat News) nisuway og tawag sa CHED-7 apan walay nitubag sa tawag.
Niining ulahi lang, si Konsehal Joel Garganera sa Emergency Operations Center nihimong example sa University of Cebu nga adunay classrooms nga andam na alang sa face-to-face classes.
Gawas sa higher education and tech-vol courses and training, ang ulahing IATF guidelines nagkanayon nga ang limited face to face classes sa basic education kinahanglan una og pagtugot sa office of the president.
Sa Isla sa Sugbo walao ka eskwelahan ang gitugotan sa limited face to face classes sugod sa Nobiyembre 15, 2021.
Ang maong mga eskwelahan gilangkuban sa Basak Elementary School sa Lungsod sa Samboan, Mahanlud ES sa Lungsod sa Malabuyoc, Cabagdalan ES sa Lungsod sa Balamban, Luyongbaybay ES sa Isla sa Bantayan and Siocon ES sa Dakbayan sa Bogo. Alang sa secondary division gilangkuban sa Canang-Marcelo Luna National sa Lungsod sa Oslob, Busay NHS sa Lungsod sa Moalboal ug Pilar NHS sa Lungsod sa Pilar, Isla sa Camotes. BDB (BANATNEWS)